Back to Top
ორშაბათი, 21 ივნისი 2021 19:58

შოთა ჩოჩიშვილის სახელობის სკოლაში სარეაბილიტაციო სამუშაოები დასრულდა 

Rate this item
(0 votes)

გორის შოთა ჩოჩიშვილის სახელობის კომპლექსურ სპორტულ სკოლაში, დასრულდა სარეაბილიტაციო სამუშაოები. სექციების ნაწილმა ვარჯიში უკვე განაახლა, - ამის შესახებ ინფორმაციას გორის მუნიციპალიტეტის მერია ავრცელებს.

 

 

სპორტული სკოლის მოსწავლეები სექტემბრიდან სწავლას განახლებულ დარბაზებში გააგრძელებენ.

 

 

"პროექტის ფარგლებში, შეკეთდა ტანვარჯიშის დარბაზის სახურავი. ოთხ დარბაზში, ჩატარდა კოსმეტიკური რემონტი. ყველა დარბაზში მოწესრიგდა სველი წერტილები, გასახდელები და მწვრთნელების ოთახები. პროექტის ღირებულება 142 996 ლარს შეადგენს", - ნათქვამია მერიის მიერ გავრცელებულ ინფორმაციაში. 

 

 

შოთა ჩოჩიშვილის სახელობის კომპლექსურ სპორტულ სკოლაში, მუნიციპალიტეტის სოფლებში არსებულ სექციებთან ერთად, სპორტის 20 სახეობაში, ორი ათასამდე სპორტსმენი ვარჯიშობს. აქ, სწავლა უფასოა და ჩვენი ქვეყნის მასშტაბით გამართულ სხვადასხვა რანგის ტურნირებზე სპორტსმენთა მონაწილეობაც გორის მუნიციპალიტეტის მერიის ხელშეწყობით ხორციელდება.

Read 246 times